Իրանի բանակի ցամաքային զորքերի հրամանատար Քիոմարս Հեյդարին հայտարարել է, որ զինված ուժերի և պաշտպանության նախարարության համագործակցությամբ Իրանում ռուսական «T-90» տանկերի տեղական տարբերակն է արտադրվել։ Այս մասին հայտնում է իրանական «Tasnim» լրատվական գործակալությունը։
Ըստ Հեյդարիի՝ տանկերն այժմ փորձարկումներ են անցնում, իսկ առաջին խմբաքանակը բանակին կմատակարարվի սեպտեմբեր-հոկտեմբեր ամիսներին։
Նշենք, որ 2016թ․ Թեհրանը հայտարարել էր, որ հետաքրքված չէ ռուսական «T-90» տանկերով և մտադիր է սեփական տանկերն արտադրել։ 2017թ․ Իրանում ներկայացրեցին «Քարար» տանկը, որն, ըստ իրանական կողմի, ոչնչով չի զիջում «T-90»-ին։ «Քարարը» ստեղծվել է «T-72»-ի հիմքի վրա։
Հետևեք մեզ տելեգրամում
