Պենտագոնի ղեկավար Փիթ Հեգսեթը մանրամասն տեղեկություններ է ուղարկել Եմենում ԱՄՆ-ի հարվածների մասին Signal-ի զրույցում, որի մեջ, ի թիվս այլոց, ընդգրկված են իր կինը, եղբայրը և փաստաբանը: Այս մասին հայտնում է The New York Times-ը՝ հղում անելով աղբյուրներին։
Թերթի ունեցած տվյալներով՝ մարտի 15-ին Հեգսեթը այդ նամակագրության մեջ հրապարակել է F/A-18 Hornet կործանիչների թռիչքների ժամանակացույցը, որոնք հարվածներ էին հասցնում Եմենի հութիների դիրքերին:
Ինչպես նշում է պարբերականը, ի տարբերություն Signal-ում ԱՄՆ վարչակազմի պաշտոնյաների մասնակցությամբ նամակագրության, որը սկանդալի առարկա դարձավ, երբ այնտեղ ավելացվեց The Atlantic-ի գլխավոր խմբագիր Ջեֆրի Գոլդբերգը, երկրորդ զրույցն ստեղծվել է անձամբ Պենտագոնի ղեկավարի կողմից և, բացի կնոջից, ներառել է իր մերձավոր շրջապատից ևս 10 հոգու, այդ թվում՝ տվյալների արտահոսքի պատճառով կասեցված երկու պաշտոնյաների: Զրույցի վերնագիրն էր «Պաշտպանության | Հրամանատարության ժողով»:
Ավելին, ամերիկյան ռազմական գերատեսչության ղեկավարը զրույցում շփվելու համար օգտագործել է ոչ թե աշխատանքային, այլ իր անձնական հեռախոսը։
Ըստ թերթի, նամակագարության մեջ, որպես կանոն, քննարկվել են կազմակերպչական և վարչական հարցեր:
Հետևեք մեզ տելեգրամում
