Իրանի ճանապարհների և քաղաքաշինության նախարար Մոհամմադ Էսլամիի և ՀՀ տարածքային կառավարման և ենթակառուցվածքների նախարար Սուրեն Պապիկյանի միջև Թեհրանում կայացած հանդիպման ժամանակ, Մոհամմադ Էսլամին, անդրադառնալով երկաթգծի կառուցման շուրջ նախկինում ձեռք բերված պայմանավորվածություններին և Իրանի տարածքում երկաթգծի կառուցման աշխատանքների համար անհրաժեշտ ուսումնասիրությունների կատարմանը, նշել է, որ եթե հայկական կողմը Հայաստանի տարածքում երկաթգծի կառուցման աշխատանքների 30 տոկոսն իրականացնի, ապա Իրանի տարածքի աշխատանքները ևս կսկվեն։
Իրանական աղբյուրի տեղեկացմամբ՝ կողմերի միջև պայմանավորվածություն է ձեռք բերվել առաջիկա մեկ ամսվա ընթացքում ձևավորել կոմիտե, որը հետամուտ կլինի Իրանի և Հայաստանի միջև իրականացվող նախագծերի իրականացմանը:
Հավելենք, որ ՀՀ տարածքային կառավարման և ենթակառուցվածքների նախարար Սուրեն Պապիկյանը Թեհրանում կայացած էլեկտրաէներգիայի 19-րդ միջազգային ցուցահանդեսի շրջանակներում առանձին հանդիպումներ է ունեցել նաև ԻԻՀ էներգետիկայի նախարար Ռեզա Արդաքանիանի և նավթի նախարար Բիժան Զանգանեի հետ:
Իրանի նախապայմանը՝ Իրան-Հայաստան երկաթգծի կառուցման հարցում
Հետևեք մեզ տելեգրամում
