Արցախի ԱԺ նախագահ է ընտրվել Աշոտ Դանիելյանը

Մայիսի 21-ին ավարտվել են Արցախի Հանրապետության ազգային ժողովի լիազորությունները և նույն օրը Արցախի խորհրդարանն արտահերթ նիստ է գումարել։ Քվեարկության արդյունքում ԱԺ նախագահ է ընտրվել «Ազատ Հայրենիք» խմբակցության պատգամավոր Աշոտ Դանիելյանը: Նա այս պաշտոնում փոխարինում է Բաքվի բանտում ապօրինի պահվող Դավիթ Իշխանյանին։

Նիստին մասնակցել են բոլոր 5 խմբակցությունները՝ 28 պատգամավոր։

Մայիսի 21-ին լրացել է նաև Արցախի նախագահի պաշտոնավարման ժամկետը։ Արցախի նախագահ Սամվել Շահրամանյանն ավելի վաղ հայտնել էր, որ ըստ Արցախի Սահմանադրության՝ նախագահի լիազորությունները լրանալուց հետո 7-10 օրվա ընթացքում պետք է նախագահի թեկնածուներ առաջադրվեն, այնուհետեւ խորհրդարանը նախագահ կընտրի։