ՌԴ նախագահ Վլադիմիր Պուտինը Եվրասիական տնտեսական միության օրվա կապակցությամբ շնորհավորական ուղերձ է հղել Հայաստանի Հանրապետության վարչապետ Նիկոլ Փաշինյանին, Բելառուսի Հանրապետության նախագահ Ալեքսանդր Լուկաշենկոյին, Ղազախստանի Հանրապետության նախագահ Կասիմ-Ժոմարտ Տոկաևին, Ղրղզստանի Հանրապետության նախագահ Սադիր Ջապարովին։
«Խնդրում եմ ընդունեք իմ սրտանց շնորհավորանքները Եվրասիական տնտեսական միության օրվա կապակցությամբ։
Եվրասիական տնտեսական միության շրջանակներում ինտեգրացիոն գործընթացները զարգանում են շատ դինամիկ և արդյունավետ։ Ստեղծվել է ընդհանուր շուկա, որն ապահովում է ապրանքների, ծառայությունների, կապիտալի և աշխատուժի ազատ տեղաշարժը։ Ամենակարևոր ոլորտներում իրականացվում է ազգային իրավական կարգավորման համակարգերի ներդաշնակեցում, հաջողությամբ իրականացվում են համատեղ տնտեսական և ենթակառուցվածքային նախագծեր։
Վստահ եմ, որ մենք կշարունակենք կառուցել կառուցողական բազմակողմ համագործակցություն բոլոր հնարավոր ձևերով՝ ի շահ մեր ժողովուրդների բարօրության, Եվրասիական տարածքում բարեկեցության և կայունության ապահովման։
Մաղթում եմ Ձեզ առողջություն և հաջողություն, իսկ Ձեր բոլոր հայրենակիցներին՝ երջանկություն և բարգավաճում»,-ասված է Պուտինի ուղերձում։
Հետևեք մեզ տելեգրամում
