Սիրիան նախկին նախագահ Բաշար ալ-Ասադի տապալումից հետո վեց ամսվա ընթացքում գրեթե 16 միլիարդ դոլարի ներդրումներ և միջազգային օգնություն է ներգրավել: Այս մասին հայտնում է էմիրաթական The National կայքը:
Ամենամեծ ներդրողը եղել է կատարական UCC Holding ընկերությունը, որը Սիրիայում կծախսի 7 միլիարդ դոլար գազային չորս էլեկտրակայանների և արևային մեկ էլեկտրակայանի կառուցման վրա՝ 1 ԳՎտ հզորությամբ։ ՄԱԿ-ի զարգացման ծրագիրը մշակել է 1,3 միլիարդ դոլարի եռամյա ծրագիր, որն ուղղված է ենթակառուցվածքների վերականգնմանը, սոցիալական պաշտպանության համակարգի գործարկմանը և թվային ստարտափների աջակցությանը։ Մարտին Բրյուսելում կայացած համաժողովից հետո եվրոպացի դոնորները խոստացել են երկրի վերակառուցման համար հատկացնել 6,5 միլիարդ դոլար։
Ինչպես նշում է հրատարակությունը, Սիրիայի տնտեսության վերականգնման գործում ամենաակտիվ ներգրավվածներն են Պարսից ծոցի երկրները։ Սաուդյան Արաբիան և Կատարը, համատեղ նախաձեռնության շրջանակներում, մարել են Սիրիայի 15,5 միլիոն դոլարի պարտքը Համաշխարհային բանկին։ Մայիսին էմիրաթական DP World լոգիստիկ օպերատորը և Սիրիայի նոր կառավարությունը ստորագրել են 800 միլիոն դոլարի փոխըմբռնման հուշագիր, որը նախատեսում է Տարտուսի նավահանգստում բազմաֆունկցիոնալ տերմինալի զարգացում, կառավարում և շահագործում։ Դրանից կարճ ժամանակ առաջ ֆրանսիական CMA CGM նավագնացության ընկերությունը ստորագրել է 30-ամյա 260 միլիոն դոլարի կոնցեսիոն պայմանագիր՝ Լաթակիայի նավահանգստը կառավարելու համար։
Հետևեք մեզ տելեգրամում
