Հունիսի 23-ին ԵՄ անդամ երկրների արտաքին գործերի նախարարները կքննարկեն Վրաստանում տեղի ունեցող իրադարձությունների ընթացքը: Այս մասին հայտարարել է Վրաստանում ԵՄ դեսպան Պավել Հերչինսկին։ Ակնկալվում է, որ ԵՄ երկրների արտաքին քաղաքականության գերատեսչությունների ղեկավարները կքննարկեն Եվրամիության դեմ ապատեղեկատվության, պատժամիջոցների ներդրման և առանց վիզային ռեժիմի վերաբերյալ հարցեր։
«Առաջին հարցը Վրաստանի բարձրագույն իշխանության ներկայացուցիչների կողմից Եվրամիության դեմ ուղղված հսկայական ապատեղեկատվությունն է, Եվրամիության դեմոնիզացիան։ Երկրորդ հարցը մարդու իրավունքների խախտման համար պատժամիջոցների կիրառումն է, իսկ երրորդը՝ Վրաստանի քաղաքացիների համար անվիզա ռեժիմի հարցը՝ մարդու իրավունքների իրավիճակի լուրջ վատթարացման ֆոնին»,-նշել է դեսպանը։
Հետևեք մեզ տելեգրամում
