ԱՄՆ նախագահ Դոնալդ Թրամփը պնդում է, որ Իրանի միջուկային օբյեկտներին ԱՄՆ-ի հարվածը նպաստել է Իսլամական Հանրապետության և Իսրայելի միջև հրադադարի վերաբերյալ համաձայնությունների ձեռքբերմանը և նրանց միջև հակամարտության դադարեցմանը։
«Մենք չէինք կարող այսօրվա համաձայնագրին հասնել առանց մեր հրաշալի B-2 օդաչուների և այս գործողությանը մասնակցած բոլորի տաղանդի և քաջության»,-գրել է ԱՄՆ առաջնորդը Truth Social սոցիալական ցանցում՝ անդրադառնալով հունիսի 22-ի գիշերը ԱՄՆ զինված ուժերի կողմից Իրանի երեք միջուկային օբյեկտների՝ Ֆորդոյի, Նաթանզի և Սպահանի վրա հասցված հարվածին։ ԱՄՆ-ն հարձակման ժամանակ օգտագործել է B-2 Spirit ռմբակոծիչներ։
«Որոշ առումով, և սա շատ իրոնիկ է, ուշ գիշերին կատարված այս կատարյալ հարվածը բոլորին ավելի մտերմացրեց, և գործարքը կնքվեց»-գրել է Թրամփը։
ԱՄՆ Նախագահը նաև Մերձավոր Արևելքում հակամարտության կողմերին խնդրել է չխախտել գործող հրադադարը։
Իրանի արտաքին գործերի նախարար Աբբաս Արաղչին հայտարարել է, որ Իսրայելի հետ հրադադարի որևէ համաձայնություն ձեռք չի բերվել, սակայն Թեհրանը պատրաստ է դադարեցնել Իսրայելին տրվող պատասխանը։
Հետևեք մեզ տելեգրամում
