Ադրբեջանի խորհրդարանական պատվիրակության այցը Ռուսաստան չեղարկվել է. սկանդալ ռուս-ադրբեջանական հարաբերություններում

Ադրբեջանի Միլլի Մեջլիսի նախագահի առաջին տեղակալ Ալի Ահմեդովի գլխավորած խորհրդարանական պատվիրակությունը չի մասնակցի Մոսկվայում կայանալիք Ադրբեջանի և Ռուսաստանի Դաշնության միջև համագործակցության միջխորհրդարանական հանձնաժողովի 23-րդ նիստին։

Այս մասին, ըստ ադրբեջանական լրատվամիջոցների, հայտնել են Միլլի Մեջլիսի մամուլի և հասարակայնության հետ կապերի վարչությունից։

Նշվում է, որ այցի չեղարկման պատճառը Եկատերինբուրգում Ռուսաստանի Դաշնության իրավապահ մարմինների կողմից ադրբեջանցիների նկատմամբ առանց դատավարության կամ հետաքննության իրականացված ցուցադրական, նպատակային սպանություններն ու բռնության ակտերն են՝ ազգային հողի վրա, ինչպես նաև վերջին շրջանում նման դեպքերի համակարգված բնույթը։