Ռուսաստանում Ադրբեջանի դեսպանին կանչել են ՌԴ ԱԳՆ և բողոք հայտնել՝ ՌԴ քաղաքացիներ հանդիսացող լրագրողների ապօրինի ձերբակալության կապակցությամբ։
Ադրբեջանի գործողությունները որակվել են ոչ բարեկամական։
Հիշեցնենք՝ Բաքվում ձերբակալել են «Սպուտնիկ Ադրբեջանի» երկու լրագրողի, որոնք ՌԴ քաղաքացիներ են։
«Բաքվի ոչ բարեկամական գործողությունների և ռուս լրագրողների անօրինական ձերբակալության կապակցությամբ Ադրբեջանի դեսպանը կանչվել է ՌԴ արտաքին գործերի նախարարություն»,- հայտնել են ՌԴ ԱԳՆ-ից։
Ռուսաստանի արտգործնախարարությունը նաև տարակուսանք է հայտնել՝ ընդգծելով, որ ռուս լրագրողների երկարամյա գործունեության ընթացքում Ադրբեջանի իշխանությունները որևէ դժգոհություն կամ նկատառում չէին հայտնել։
Հետևեք մեզ տելեգրամում
