Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելի վարչապետ Բենյամին Նեթանյահուի և Իսրայելի պաշտպանության բանակի՝ ՑԱՀԱԼ-ի գործողությունները Գազայի հատվածում գերազանցել են Հիտլերի հանցագործությունները:
«Նեթանյահուն և նրա մարդասպանների ցանցը արդեն գերազանցել են Հիտլերին բարբարոսությամբ: Նույնիսկ Հոլոքոստի ժամանակ Եվրոպայում այնպիսի անմարդկային դրսևորումներ չեն եղել, ինչպիսին Գազայում է»,-X-ում գրել է Էրդողանը՝ միջազգային հանրությանը կոչ անելով չհանդուրժել դաժանությունը և արձագանքել պաղեստինցիների զանգվածային մահվանը սովից։
Ավելի վաղ պաղեստինյան արմատական շարժում «ՀԱՄԱՍ-ը հայտարարել էր, որ Գազայի հատվածի ավելի քան 2 միլիոն բնակիչ սովից մահվան վտանգի տակ է շարունակվող շրջափակման պատճառով:
Հետևեք մեզ տելեգրամում
