Երուսաղեմի հայ համայնքը օգոստոսի 27-ի երեկոյան հավաքվել էր Սուրբ Հակոբյանց վանքի բակում՝ Երուսաղեմի հայոց պատրիարքարանի մուտքի առջև՝ բողոքելով «Կովերի պարտեզի» շուրջ նոր գործարքի դեմ:
«Մենք պահանջում ենք պատասխաններ։ Մեր երեխաների, մեր ապագայի համար»,-հայտարարել են բողոքի ակցիայի մասնակիցները։
Հիշեցնենք, որ Երուսաղեմի մի շարք հայկական կազմակերպություններ հայտնել են, որ առանց հայ համայնքի համաձայնության՝ ընթացքի մեջ է երկրորդ համաձայնագրի կնքումը Հայոց պատրիարքարանի և «Քսանա Գարդենս» ՍՊԸ-ի միջև։ Այսպես կոչված «նոր գործարքը» նույնիսկ ավելի վտանգավոր է, քան առաջին անօրինական պայմանագիրը։ Այն բանակցվել է գաղտնիության պայմաններում: Գործարքի նպատակն է պատմական հայկական հողերը՝ «Կովերի պարտեզը» ՝ 98 տարով հանձնել «Xana Gardens Ltd» (Քսանա Գարդենս ՍՊԸ)-ին։
Հետևեք մեզ տելեգրամում
