Եվրոպական հանձնաժողովը մտադիր է սահմանափակել Իսրայելի հետ համագործակցությունը, պատժամիջոցներ կիրառել նրա կառավարության անդամների նկատմամբ և կասեցնել ԵՄ-ի հետ Ասոցացման համաձայնագիրը։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լեյենը՝ ելույթ ունենալով Ստրասբուրգում Եվրախորհրդարանի նստաշրջանում։
«Մենք դադարեցնում ենք մեր աջակցությունը Իսրայելին, մենք կդադարեցնենք բոլոր վճարումները, որոնք չեն ազդում այս երկրի քաղաքացիական հասարակության հետ մեր համագործակցության վրա, և մենք նաև կառաջարկենք պատժամիջոցներ մի շարք նախարարների նկատմամբ, որոնք զբաղեցնում են ծայրահեղական դիրքորոշումներ»,-ասել է ֆոն դեր Լեյենը։
Նրա խոսքով՝ Գազայում տեղի ունեցողը աղետալի է և անընդունելի։
«Մարդածին սովը երբեք չպետք է վերածվի զենքի։ Հանուն երեխաների, հանուն ողջ մարդկության պետք է վերջ դնել սրան»,-հավելել է ֆոն դեր Լեյենը։
Եվրահանձնաժողովի ղեկավարը կոչ է արել կանխել անկախ պաղեստինյան պետություն ստեղծելու գաղափարի ոչնչացումը։ Նա նշել է, որ պաղեստինաիսրայելական հակամարտության լուծումը պետք է կայանա երկու պետություն՝ Իսրայել և Պաղեստին ստեղծելու հայեցակարգով։
Հետևեք մեզ տելեգրամում
