Թուրքիայի ԱԳՆ․ «Տարածաշրջանային հակամարտությունները պահանջում են տարածաշրջանային լուծումներ»

Թուրքիայի արտգործնախարար Հաքան Ֆիդանը Ստամբուլում Չեռնոգորիայի հյուպատոսության կողմից կազմակերպված միջոցառման ժամանակ իր ելույթում ընդգծել է, որ միջազգային համակարգը չի կարողանում արդյունավետորեն լուծել ո՛չ գլոբալ, ո՛չ էլ տարածաշրջանային խնդիրները։

Ֆիդանի խոսքով՝ գլոբալ արդարություն հաստատելու առաջին քայլը պետք է արվի անմիջական տարածաշրջանում․
«Փոփոխությունները պետք է սկսվեն մեր շրջակայքից։ Թուրքիան այս գործընթացից երբեք անմասն չի մնացել, մենք միշտ ստանձնել ենք պատասխանատվություն և ձեռնարկել անհրաժեշտ քայլեր։ Մենք վճռականորեն շարունակում ենք մեր պայքարը՝ մեր նախագահի որդեգրած տեսլականի համաձայն»։

Նախարարը նաև շեշտել է, որ տարածաշրջանային խնդիրները կարող են լուծվել միայն տարածաշրջանային մոտեցումների շնորհիվ․
«Եթե մեր տարածաշրջանում չկարողանանք հաստատել խաղաղություն, արդարություն և կայունություն, ապա չենք կարող նաև աշխարհին հույս ներշնչել»։