Սեպտեմբերի 24-ին գումարվել է Երուսաղեմի Սուրբ Հակոբյանց միաբանական ընդհանուր ժողովը, որը վերաբերում էր «Կովերի պարտեզ»-ի շուրջ ստեղծված խնդրին: Քննարկումների արդյունքում ժողովը մեծամասնությամբ որոշել է.
Վերահաստատել միաբան հայրերի՝ 2021թ. հոկտեմբերի 27-ի և նոյեմբերի 15-ի հայտարարությունները, որոնք դատապարտել էին այս գործարքն իբրև անօրինական
2021թ. հուլիսի 8-ի՝ «Կովերի պարտեզ»-ի պայմանագիրը հայտարարել անօրինական, հակակրոնական և անվավեր, քանի որ առանց ընդհանուր ժողովի վավերացմամբ է եղել
Մերժել հաշտարարի միջոցով ձեռք բերված Հավելվածը և Կարգավորման համաձայնագիրը
Նշանակել 5 հոգևորականներից բաղկացած հանձախումբ, որպեսզի իրավաբանների հետ խորհրդակցելով՝ հետապնդեն չեղարկման դատական հայցն ընդդեմ «Քսանա գարդենս» ընկերության:
Հետևեք մեզ տելեգրամում
