Իսրայելի պաշտպանության բանակը վերահսկողություն է հաստատել Գազայի հատվածի արևմուտքում գտնվող Նեցարիմ միջանցքի նկատմամբ, որը բաժանում է այն հյուսիսային և հարավային հատվածների։ Այս մասին հայտնել է Իսրայելի պաշտպանության նախարար Իսրայել Կացը։
«Իսրայելի պաշտպանության բանակն ավարտել է Գազայի ափից արևմուտք գտնվող Նեցարիմ միջանցքի գրավումը, որը Գազան բաժանում է հյուսիսային և հարավային մասերի։ Սա կխստացնի Գազա քաղաքի շրջափակումը, և յուրաքանչյուր ոք, ով լքում է այն դեպի հարավ, ստիպված կլինի անցնել Իսրայելի պաշտպանության բանակի անցակետերով»,-X-ում գրել է Կացը՝ նշելով, որ սա այժմ «Գազայի բնակիչների համար վերջին հնարավորությունն է շարժվելու դեպի հարավ՝ թողնելով «ՀԱՄԱՍ»-ի ահաբեկիչներին մեկուսացված հենց Գազա քաղաքում»։
«Նրանք, ովքեր կմնան Գազայում, կհամարվեն ահաբեկիչներ և ահաբեկչության մեղսակիցներ»,-հավելել է նա։
Կացն ընդգծել է, որ «Իսրայելի պաշտպանության բանակը պատրաստ է ցանկացած սցենարի» և «վճռական է շարունակել գործողությունը մինչև բոլոր պատանդների վերադարձը և «ՀԱՄԱՍ»-ի զինաթափումը»։
Հետևեք մեզ տելեգրամում
