Երևանի ավագանին ընդունեց Լենինգրադյան փողոցը Քըրք Քըրքորյանի անվամբ անվանակոչելու մասին նախագիծը։
Նախագծին կողմ են քվեարկել ավագանու 37, դեմ՝ 2, ձեռնպահ՝ 18 անդամ։
Նախագիծը ներկայացրել է ավագանու «Հանրապետության» խմբակցոթյունը։
Նախագծի տեղեկանք-հիմնավորման մեջ նշվում է. «Երևան քաղաքի Աջափնյակ և Մալաթիա-Սեբաստիա վարչական շրջաններում գտնվող Լենինգրադյան փողոցը մինչև օրս կրում է խորհրդային անցյալը խորհրդանշող անվանում։ Նկատի ունենալով, որ անգամ Ռուսաստանի Դաշնությունում արդեն տարիներ շարունակ Լենինգրադ անվանումը որպես վարչատարածքային միավոր գոյություն չունի (քաղաքն արդեն վերանվանվել է Սանկտ Պետերբուրգ)։ Հաշվի առնելով վերոգրյալը և ղեկավարվելով «Երևան քաղաքում տեղական ինքնակառավարման մասին» օրենքի 12-րդ հոդվածի 1-ին մասի 23-րդ կետի դրույթներով, Հայաստանի Հանրապետության կառավարության 2005 թվականի դեկտեմբերի 29-ի N2387-Ն որոշմամբ հաստատված կարգի 4-րդ կետով՝ Երևան քաղաքի ավագանու քննարկմանն է ներկայացվում սույն որոշման նախագիծը»։
Հետևեք մեզ տելեգրամում
