Վրաստանը՝ որպես Եվրոպայի և Ասիայի խաչմերուկում գտնվող բնական դարպաս, հանդիսանում է հուսալի հենակետ այն պետությունների համար, որոնք չունեն ելք դեպի ծով։ Այս մասին հայտարարել է Վրաստանի վարչապետ Իրակլի Կոբախիձեն սահմանային ծառայության միջազգային օրվան նվիրված միջոցառման ժամանակ։
«Մեր նպատակն է Վրաստանը դարձնել որպես բազմաֆունկցիոնալ տարածաշրջանային հանգույց։ Այս ռազմավարությունը հիմնված է լայնածավալ ենթակառուցվածքային նախագծերի վրա։ Արևելք-Արևմուտք ավտոմայրուղին, Բաքու-Թբիլիսի-Կարս երկաթուղին, չոր նավահանգիստները և Անակլիայի նավահանգստի նախագիծը ծառայելու են Վրաստանի դերի ամրապնդմանը Միջին միջանցքում», – ընդգծել է Իրակլի Կոբախիձեն։
Նա նաև նշել է, որ Ասիայի զարգացման բանկի աջակցությամբ ակտիվորեն իրականացվում են Ադրբեջանի և Հայաստանի հետ համատեղ սահմանային անցակետերի նախագծեր, որոնք տարածաշրջանային համագործակցության լավագույն օրինակ է։ Կոբախիձեն ընդգծել է, որ Վրաստանում հաջողությամբ ներդրվել է Եվրամիության հետ համատեղելի համակարգչային տրանզիտային համակարգ։
Հետևեք մեզ տելեգրամում
