Իրանի արտգործնախարարը վաղը կմեկնի Թուրքիա

Իրանի արտգործնախարար Աբբաս Արաղչին հունվարի 30-ին կմեկնի Թուրքիա և կհանդիպի Թուրքիայի արտգործնախարար Հաքան Ֆիդանի հետ՝ քննարկելու տարածաշրջանային և երկկողմ հարցերը։

Նախատեսվում է, որ Ֆիդանը կանդրադառնա տարածաշրջանային անվտանգությանը, կայունությանը և բարօրությանը, ինչպես նաև երկու երկրների միջև առևտրի, էներգետիկայի, տրանսպորտի և կապի ոլորտներում համագործակցության ամրապնդմանը։ Թուրքիայի և Իրանի միջև առևտրի ընդհանուր ծավալը 2025-ի նոյեմբերի դրությամբ կազմել է մոտ 5 մլրդ դոլար և կողմերը մտադիր են երկարաժամկետ հեռանկարում այն հասցնել 30 մլրդ դոլարի։

Նշվում է, որ Ֆիդանը կհայտնի, որ Թուրքիան ուշադիր հետևում է Իրանում տեղի ունեցող վերջին զարգացումներին, և որ Իրանի անվտանգությունը, խաղաղությունը և կայունությունը մեծ նշանակություն ունեն Թուրքիայի համար։ Թուրքիան կհաստատի իր դիրքորոշումը Իրանում ռազմական միջամտությունների նկատմամբ և կշեշտվի, որ պատրաստ է նպաստել առկա լարվածության կարգավորմանը երկխոսության միջոցով։

Բացի այդ Ֆիդանը կհայտարարի, որ Թուրքիան աջակցում է Իրանի միջուկային ծրագրի արագ և խաղաղ լուծմանը և պատրաստ է անհրաժեշտության դեպքում օգնություն ցուցաբերել։

Անդրադարձ կկատարվի նաև Իրանում վերջերս տեղի ունեցած անկարգություններում Թուրքիայի կողմից ահաբեկչական համարվող «Քուրդիստանի աշխատավորական կուսակցության» (PKK-ՔԲԿ) իրանական ճյուղի՝ «PKK/PJAK»-ի դերին՝ ընդգծելով, որդրա լիակատար չեզոքացումը Իրանի անվտանգության համար անհրաժեշտություն է։

Բացի այդ արտգործնախարարներները կանդրադառնան նաև Սիրիայում և Գազայում տիրող իրավիճակին։