«Մեզ համար առաջնահերթություն է մեր չորս հարևանների հետ էլեկտրահամակարգերի սինխրոն միացումը», – մամուլի ասուլիսի ընթացքում հայտարարել է Տարածքային կառավարման և ենթակառուցվածքների նախարար Դավիթ Խուդաթյանը:
«Դա ոչ միայն կոմերցիոն նշանակություն ունի, այսինքն, ներմուծել արտահանելու տեսանկյունից, այլև կայնունություն է հաղորդում էներգահամակարգին այնպես, ինչպես այս պահին Հայաստանի էներգահամակարգը կայունություն է հաղորդում Վրաստանի էներգահամակարգին ու հակառակը, ինչպես նաև Հայաստանի էներգետիկ համակարգը կայունություն է հաղորդում Իրանի Իսլամական Հանրապետության էներգահամակարգին ու հակառակը», – նշել է Խուդաթյանը:
Նախարարն ընդգծել է, որ էլեկտրահամակարգերի միացման համար տեխնիկական խոչընդոտ չկա. «Մնացած մասով հույս ունեմ զարգացումներ կլինեն, ու մենք պատրաստ ենք այդ զարգացումներին»:
Խուդաթյանն ընդգծել է նաև, որ Իրանի հետ կապված մտահոգություն չունեն. «Էներգետիկ ոլորտում ունենք հրաշալի համագործակցություն, նախորդ տարվա ընթացքում մենք կայուն էլեկտրաէներգիա ենք մակատակարարել Իրան ու այնտեղից ստացել ենք գազ»:
Հետևեք մեզ տելեգրամում
