ԱՄՆ նախագահ Դոնալդ Թրամփը հայտարարել է, որ իր վարչակազմը ևս 10 օրով կդադարեցնի Իրանի էներգետիկ ենթակառուցվածքներին ծրագրված հարվածները։
Թրամփը նշել է, որ դադարը երկարաձգվում է մինչև 2026 թվականի ապրիլի 6-ը, ժամը 20:00-ն (Արևելյան ժամանակով):
«Իրանի կառավարության խնդրանքով՝ այս հայտարարությունը թող ծառայի որպես հավաստում այն բանի, որ ես 10 օրով դադարեցնում եմ էներգետիկ կայանների ոչնչացման գործընթացը։ Բանակցությունները շարունակվում են և, հակառակ ֆեյք նյուզ լրատվամիջոցների և այլոց սխալ պնդումների, դրանք ընթանում են շատ լավ»,-Truth Social սոցիալական ցանցի իր էջում գրել է Թրամփը։
Իրանական կողմը, սակայն, շարունակում է հերքել, որ Վաշինգտոնի հետ չեն բանակցում և միայն ուղերձների փոխանակում է եղել:
Հետևեք մեզ տելեգրամում
