Ապրիլի 28-ին «Տարածաշրջանային զարգացումները և «Խաղաղության խաչմերուկ» նախագծի հեռանկարները» խորագրով կլոր սեղան քննարկման շրջանակներում փոխըմբռնման հուշագիր է ստորագրվել «Օրբելի» վերլուծական կենտրոնի և Արաբական Միացյալ Էմիրությունների Ռազմավարական ուսումնասիրությունների ու հետազոտությունների կենտրոնի միջև։
Փոխըմռնման հուշագրի նպատակն է խթանել համագործակցությունը հետազոտական և վերլուծական գործունեության ոլորտում, ինչպես նաև նպաստել գիտելիքի և փորձի փոխանակմանը։
Հուշագրով կողմերը նախատեսում են համագործակցել հետևյալ ուղղություններով՝
• համատեղ հետազոտությունների իրականացում և վերլուծական նյութերի պատրաստում,
• փորձագիտական քննարկումների, կլոր սեղանների և համաժողովների կազմակերպում,
• տեղեկատվության և փորձի փոխանակում,
• երիտասարդ հետազոտողների կարողությունների զարգացում։
Հետևեք մեզ տելեգրամում
