Իրանի արտգործնախարար Աբբաս Արաղչին մեկնել է Չինաստան, հանդիպել իր պաշտոնակից Վանգ Յիի հետ: Այս մասին տեղեկացնում է իրանական Tasnim լրատվական գործակալությունը:
Չինաստանի ԱԳ նախարարն ընդգծել է, որ Պեկինը պատրաստ է շարունակել ջանքեր գործադրել տարածաշրջանում լարվածության ինտենսիվությունը նվազեցնելու ուղղությամբ։ «Լիակատար հրադադարի հաստատումն անհրաժեշտություն է և անխուսափելի։ Տարածաշրջանն անցնում է բախտորոշ շրջադարձային փուլով, և երկու կողմերի միջև ուղիղ հանդիպումներն անհրաժեշտ են»,- նշել է չինացի նախարարը։
Իրանի արտաքին գործերի նախարարն իր հերթին շնորհակալություն է հայտնել Չինաստանի դիրքորոշման համար՝ Պեկինին անվանելով Թեհրանի մտերիմ բարեկամը և ընդգծելով, որ ներկա պայմաններում երկու երկրների համագործակցությունն ավելի ամուր կլինի, քան նախկինում։
Հետևեք մեզ տելեգրամում
