Թուրքիայի նախկին արտգործնախարար Մևլութ Չավուշօղլուի եղբայրը՝ հայտնի գործարար Այդըն Չավուշօղլուն, հրազենային վիրավորումով տեղափոխվել է հիվանդանոց:
Միջադեպը տեղի է ունեցել երեկ երեկոյան Այդըն Չավուշօղլուի գրասենյակում: Ականատեսների հաղորդմամբ՝ լսվել են կրակոցների ձայներ, ինչից հետո դեպքի վայր են ժամանել շտապօգնության և իրավապահ մարմինների աշխատակիցները։ Վերջիններս 52-ամյա գործարարին հայտնաբերել են արնաշաղախ վիճակում։ Հիվանդանոց տեղափոխվելուց անմիջապես հետո Չավուշօղլուն վիրահատվել է: Բժշկական կենտրոնի փոխանցմամբ՝ նրա վիճակը շարունակում է մնալ ծանր, նա գտնվում է վերակենդանացման բաժանմունքում՝ բժիշկների հսկողության տակ:
Անթալիայի նահանգապետ Հուլուսի Շահինն արդեն այցելել է հիվանդանոց՝ ծանոթանալու գործարարի առողջական վիճակին: Դեպքի առթիվ հարուցվել է քրեական գործ, և տարվում է բազմակողմանի քննություն՝ պարզելու միջադեպի հանգամանքները:
Հետևեք մեզ տելեգրամում
