Ղազախստանի նախագահ Կասիմ Ժոմարտ Տոկաևը Հայրենիքի պաշտպանի օրվա առթիվ հայտարարել է զինված ուժերի տեխնոլոգիական արդիականացման և պաշտպանական ներուժի հզորացման անհրաժեշտության մասին: Տոկաևի խոսքով՝ սա ռազմավարական կարևորության խնդիր է, որը պետք է լուծվի սեղմ ժամկետներում՝ առաջիկա երկու տարվա ընթացքում։ Փոխանցում է «Ռիա նովոստին»:
Ելույթ ունենալով տոնական միջոցառմանը՝ պետության ղեկավարը շեշտել է, որ աշխարհում տիրող անկայուն իրավիճակը զինված ուժերի և ուժային կառույցների խորքային բարեփոխումներ է պահանջում։ Նա ընդգծել է, որ չնայած Ղազախստանը շարունակում է հավատարիմ մնալ հակամարտությունների դիվանագիտական կարգավորմանը՝ անհրաժեշտության դեպքում երկիրը պատրաստ է պաշտպանել իր շահերը «ավելի կոշտ դիրքերից»։
Տոկաևը վերահաստատել է, որ Ղազախստանը կշարունակի ամրապնդել բարեկամական հարաբերությունները բոլոր երկրների հետ և խստորեն հետևել միջազգային իրավունքի նորմերին, սակայն շեշտել է, որ դա չի նշանակում «ձեռքերը ծալած նստել»՝ հաշվի առնելով աշխարհաքաղաքական նոր մարտահրավերները։
Հետևեք մեզ տելեգրամում
