Ղազախստանի ներքին գործերի նախարար Յերժան Սադենովն աշխատանքային այցով մեկնել է Թբիլիսի և հանդիպել իր վրացի գործընկեր Սուլհան Թամազաշվիլիի հետ։ Կողմերը քննարկել են հասարակական անվտանգության ապահովմանը, կազմակերպված ու անդրազգային հանցավորության դեմ պայքարին, հանցագործների որոնմանը, անօրինական միգրացիայի ու թմրամիջոցների տարածման կանխմանը, ինչպես նաև կիբերխարդախության ժամանակակից սխեմաների հակազդմանը վերաբերող հարցեր։
Նախարարները նաև քննարկել են ոստիկանության անձնակազմի և հատուկ նշանակության ստորաբաժանումների վերապատրաստման հարցը։ Ղազախական կողմը վրացի գործընկերների հետ ոստիկանության հատուկ ստորաբաժանումների պատրաստման սեփական փորձով կիսվելու պատրաստակամություն է հայտնել, ինչից հետո կողմերը վերահաստատել են փոխադարձ շահագրգռվածությունը ուղիղ կապերի ամրապնդման հարցում։
Աշխատանքային այցի շրջանակում Ղազախստանի ներքին գործերի նախարարին ընդունել է նաև Վրաստանի վարչապետ Իրակլի Կոբախիձեն։
Հետևեք մեզ տելեգրամում
