ԱՄՆ միջազգային զարգացման ֆինանսական կորպորացիան (DFC) վարկային համաձայնագիր է կնքել վրաց-ամերիկյան «PACE» լոգիստիկ խմբի հետ։ Ֆինանսավորումը կօգտագործվի Փոթիի նավահանգստում երկրորդ նավամատույցի շինարարությունն ավարտելու և մեծածավալ բեռների տերմինալը զարգացնելու համար։ Նախագիծը, ինչպես կանխատեսվում է, նավահանգստի թողունակությունը տարեկան կավելացնի ևս 1 միլիոն տոննայով։
Ըստ Վրաստանում ԱՄՆ դեսպանատան հաղորդագրության՝ ամերիկյան պետական կորպորացիան 25 միլիոն դոլար կհատկացնի Փոթիի նավահանգստի ընդլայնման համար։
Հարկ է նշել, որ 2020թ․ DFC-ն արդեն 50 մլն ԱՄՆ դոլարի վարկ էր տրամադրել նավահանգստի տերմինալի զարգացման համար։ Առաջին նավամատույցը շահագործման էր հանձնվել 2022թ․ հունվարին։
Հետևեք մեզ տելեգրամում
