Սիրիական բանակը ստացել է ռուսական կատարելագործված ՄԻԳ-29 կործանիչների երկրորդ խմբաքանակը։ Այս մասին տեղեկացրել է Սիրիայում Ռուսաստանի դեսպանատունը՝ իր թվիթերյան էջի միջոցով։
Մատակարարումը կատարվել է կողմերի միջև ռազմատեխնիկական համագործակցության շրջանակներում։ Սիրիացի օդաչուները արդեն սկսել են թռիչքներ իրականացնել։
Սիրիան ՄԻԳ-29 կործանիչներ է ներկրում դեռևս 1980-ական թվականներից։ Իսկ քաղաքացիական պատերազմի սկզբում արաբական այս երկիրը մի քանի տասնյակ ՄԻԳ-29 ուներ։
Չորրորդ սերնդի այս կործանիչները նախատեսված են բոլոր տեսակի օդային թիրախների խոցման համար։ ՄԻԳ-29-ի առաջին թռիչքը Ռուսաստանում տեղի է ունեցել 1977 թվականին և այնուհետև որոշ ժամանակ այն Ռուսաստանի օդուժի հիմնական կործանիչն էր։ Ներկայումս, սակայն, Ռւոսաստանը փոխարինել է ՄԻԳ-29-ը նոր տեսակի կործանիչներով։
Հետևեք մեզ տելեգրամում
