Գերմանիայի Նաումբուրգ քաղաքում, «Բալի փառատոնի» շրջանակում, տեղի է ունեցել Հայաստանի Արմավիր քաղաքի անունը կրող ծառուղու անվանակոչման հանդիսավոր արարողությունը։ Այս մասին հայտնել է Գերմանիայում ՀՀ դեսպանությունը։
Միջոցառմանը մասնակցել են Արմավիրի քաղաքապետ Վարշամ Սարգսյանը, Նաումբուրգի քաղաքապետ Արմին Մյուլլերը և Գերմանիայում Հայաստանի Հանրապետության դեսպան Վիկտոր Ենգիբարյանը։
Արարողությանը ներկա են եղել նաև Արմավիրի մարզպետ Վահրամ Խաչատրյանը, Սաքսոնիա-Անհալթ երկրամասում Հայաստանի պատվո հյուպատոս Միխաել Շմիդթը, երկրամասի լանդթագի պատգամավոր Դանիել Շթուրմը, ինչպես նաև երկու քաղաքների և գործընկեր քաղաքների՝ Ֆրանսիայի Լես Ուլիսի և Գերմանիայի Աախենի ներկայացուցիչներ ու բազմաթիվ հյուրեր։
Արմավիրն ու Նաումբուրգը քույր քաղաքներ են դարձել 2025 թվականին ստորագրված գործընկերության համաձայնագրով։ Այդ ժամանակից ի վեր քաղաքներն ակտիվ համագործակցում են կրթական և երիտասարդական փոխանակման ծրագրերի, գինեգործության, ինչպես նաև գործարար կապերի զարգացման ուղղություններով։
Հետևեք մեզ տելեգրամում
