Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Մերձավոր Արևելքի երկրների բնակիչները պետք է առնվազն 500 մետր հեռավորության վրա գտնվեն ԱՄՆ ռազմական օբյեկտներից։ Այդ մասին հաղորդում է «Pars Today»-ը։
Հաղորդագրության մեջ նշվում է, որ բնակիչներին խորհուրդ է տրվում շտապ հեռանալ այն վայրերից, որտեղ տեղակայված են ամերիկացի զինծառայողների «թաքնված և քողարկված» օբյեկտները։
Նշվում է, որ ԻՀՊԿ-ն նախկինում ևս բազմիցս սպառնալիքներ է հնչեցրել Մերձավոր Արևելքում տեղակայված ամերիկյան ռազմական օբյեկտների հասցեին, սակայն նմանատիպ նախազգուշացում՝ ուղղված քաղաքացիական բնակչությանը և կոնկրետ հեռավորություն պահպանելու պահանջով, նախկինում չի հրապարակել։
Առայժմ Իրանի պաշտոնական այլ կառույցներ հայտարարության վերաբերյալ լրացուցիչ տեղեկություններ չեն հրապարակել, իսկ ԱՄՆ-ի կողմից այս հայտարարությանը պաշտոնական արձագանք չի եղել։
Հետևեք մեզ տելեգրամում
