Գազայի հատվածում Իսրայելի օդային հարվածները շարունակվել են երկրորդ օրն անընդմեջ՝ չնայած հրադադարի համաձայնագրի իրականացման շուրջ առաջընթացի մասին ԱՄՆ նախագահ Դոնալդ Թրամփի հայտարարություններին։ Այս մասին հայտնում է «Reuters»-ը։
Պաղեստինցի բուժաշխատողների տվյալներով՝ կիրակի օրը հարվածների հետևանքով առնվազն 18 մարդ է զոհվել։ Հարվածներ են հասցվել Գազա քաղաքին, Դեյր ալ-Բալահին և Խան Յունիսին։
Իսրայելի էներգետիկայի նախարար Էլի Քոհենը հայտարարել է, որ Իսրայելը ՀԱՄԱՍ-ին հնարավորություն կտա զինաթափվելու, սակայն նշել է, որ հարձակումները դադարեցնելու վերաբերյալ որևէ համաձայնություն չկա։ Իսրայելի վարչապետի գրասենյակից էլ հայտնել են, որ իրենց հիմնական պահանջը ՀԱՄԱՍ-ի ամբողջական զինաթափումն է։ ՀԱՄԱՍ-ն էլ հայտարարել է, որ պատրաստ է քննարկել զինաթափման հարցը, սակայն պահանջում է դադարեցնել Իսրայելի հարձակումները և դուրս բերել իսրայելական ուժերը Գազայից։
Նշենք, որ Գազայի առողջապահական մարմինների տվյալներով՝ հոկտեմբերին հրադադարի հաստատումից հետո Իսրայելի հարվածների հետևանքով Գազայում զոհվել է առնվազն 1230 պաղեստինցի։
Հետևեք մեզ տելեգրամում
