Վրաստանի վարչապետ Իրակլի Կոբախիձեն Իոսեբ Ալիբեգաշվիլիին նշանակել է Սամցխե-Ջավախեթիի նահանգապետ: Այս մասին հայտնում են վրացական ԶԼՄ-ները:
Մինչև այս նշանակումը Ալիբեգաշվիլին զբաղեցրել է Քվեմո-Քարթլիի նահանգապետի տեղակալի պաշտոնը: Սամցխե-Ջավախեթիի նախկին նահանգապետ Զաալ Գելաշվիլին անցյալ շաբաթ մահացել էր 57 տարեկան հասակում:
Այս նշանակումներն իրականացվում են Վրաստանում տարածաշրջանային կառավարման համակարգի ծավալուն բարեփոխումների ֆոնին: «Վրացական երազանքի» կառավարությունը ծրագրում է լուծարել Տարածաշրջանային զարգացման և ենթակառուցվածքների նախարարությունը՝ դրա փոխարեն ձևավորելով Տարածաշրջանային քաղաքականության պետական նախարարի ապարատ:
Սպասվում է, որ նորաստեղծ գերատեսչությունը կգլխավորի Մամուկա Մդինարաձեն, որը վերջին մեկ տարում զբաղեցրել է Իրավապահ մարմինների համակարգման պետական նախարարի, Պետական անվտանգության ծառայության ղեկավարի պաշտոնները:
Հետևեք մեզ տելեգրամում
