Պակիստանն ու Իրանը բանակցություններում «նշանակալի առաջընթաց» են արձանագրել: Այս մասին հայտարարել է Պակիստանի ներքին գործերի նախարար Մոհսին Նաքվին՝ անդրադառնալով երկրի զինված ուժերի գլխավոր շտաբի պետ Ասիմ Մունիրի Իրան կատարած այցին: Փոխանցում է Reuters-ը:
Բանակցությունների առանցքում են եղել Իրանի դեմ ԱՄՆ-ի և Իսրայելի պատերազմի հետագա սրումը կանխելու միջոցները, Հորմուզի նեղուցի վերաբացումը և հակամարտության հնարավորինս արագ դադարեցումը։
«Իրանի նախագահը անկեղծորեն ներկայացրեց իր կառավարության տեսակետը, և մենք շատ կառուցողական մտքերի փոխանակում ունեցանք քննարկվող հարցերի շուրջ», – X սոցիալական ցանցում գրել է Նաքվին։
Պակիստանի պատվիրակության այցը տեղի է ունեցել տարածաշրջանում լարվածության աճի պայմաններում։ Reuters-ի փոխանցմամբ՝ Մունիրը Թեհրան մեկնելուց առաջ հեռախոսազրույց է ունեցել ԱՄՆ նախագահ Դոնալդ Թրամփի հետ։
Թրամփն ավելի վաղ նախազգուշացրել էր, որ Իրանի համար «ցանկացած տեսակի կենսական աջակցություն» ապահովող երկրները կարող են բախվել տնտեսական հետևանքների։ Միաժամանակ ԻԻՀ-ն հայտարարել էր, որ եթե հարևան երկրները միանան Իրանի դեմ տնտեսական պատերազմին, ապա Թեհրանը թույլ չի տա, որ «նույնիսկ մեկ կաթիլ նավթ դուրս գա Պարսից ծոցից»:
Հետևեք մեզ տելեգրամում
