Սիրիայի պետական «SANA» գործակալությունը հայտնում է, որ 2 մարդ է զոհվել և 10-ը վիրավորվել Դամասկոսի Մըզզեհ թաղամասում բնակելի շենքի ուղղությամբ Իսրայելի արձակած հրթիռների հետևանքով: Գործակալությանը զինվորական աղբյուրը փոխանցել է, որ իսրայելական ռազմական ինքնաթիռները Գալիլեայից երեք հրթիռ են արձակել Դամասկոսի ուղղությամբ, իսկ Սիրիայի ՀՕՊ համակարգերն անմիջապես չեզոքացրել են հարձակումը՝ ոչնչացնելով հրթիռներից մեկը: Մյուս հրթիռները ընկել են պաղեստինյան «Իսլամական ջիհադ» խմբավորման հրամանատար Աքրամ Ալ-Աջուրիի տան վրա՝ սպանելով նրա որդուն: Զոհերից մյուսը քաղաքացիական անձ է:
Իսրայելական «The Times of Israel» կայքը նշում է, որ այս միջադեպը տեղի է ունեցել Իսրայելի՝ Գազայի ուղղութամբ հրթիռ արձակելուց ժամեր անց, ինչի հետևանքով ոչնչացվել էր «Իսլամական ջիհադի» մեկ այլ հրամանատար Բահա Աբու ալ-Աթան և նրա կինը:
Նշենք, որ Իսրայելը «Իսլամական ջիհադ»-ը ընդգրկել է ահաբեկչական կազմակերպությունների ցանկում:
Հետևեք մեզ տելեգրամում
