Իրանը կպատասխանի Միացյալ Նահանգներին՝ «Իսլամական հեղափոխության պահապանների կորպուսի» գեներալ Ղասեմ Սոլեյմանիի սպանության համար։ Այս մասին հայտարարել է Իրանի հոգևոր առաջնորդ, այաթոլլահ Ալի Խամենեին՝ Իրաքի վարչապետ Մուստաֆա ալ-Քազեմիի հետ բանակցությունների ընթացքում:
«Նրանք ձեր տանը սպանեցին ձեր հյուրին և ուղղակի խոստովանեցին հանցագործությունը»,– ասել է Խամենեին իր զրուցակցին:
Իրանը չի մոռանա այս հանցագործությունը և «անպայման հարվածելու է ամերիկացիներին»,– հավելել է Իրանի առաջնորդը:
Հիշեցնենք, որ ԻՀՊԿ գեներալ Ղասեմ Սոլեյմանին սպանվել է հունվարի 3-ին Բաղդադի օդանավակայանի մերձակայքում, ԱՄՆ օդուժի կողմից հրթիռային հարձակման արդյունքում՝ ԱՄՆ նախագահ Դոնալդ Թրամփի հրամանով:
Հետևեք մեզ տելեգրամում
