Թուրքիայի նախկին վարչապետ, ԱԳ նախկին նախարար, նորաստեղծ «Ապագա» կուսակցության ղեկավար Ահմեդ Դավութօղլուն հայտարարել է, որ Թուրքիան Արևելյան Միջերկրականում հանդգնում է ներքաշվել ռազմական առճակատման, քանի որ ներկայիս ղեկավարությունը «ուժը գերադասում է դիվանագիտությունից»:
Դավութօղլուի խոսքով, Անկարան անկեղծ դժգոհ է Աթենքի՝ Արևելյան Միջերկրականում տասնյակ հազարավոր քառ. կմ ջրային տարածքների նկատմամբ հավակնությունից, իսկ Էրդողանի մոտեցումը մեծ ռիսկեր է պարունակում:
«Ցավոք, մեր կառավարությունը պատշաճ դիվանագիտական գործողություններ չի իրականացնում»,-ասել է նախկին վարչապետը՝ նախազգուշացնելով, որ եթե Հունաստանը և Թուրքիան նախընտրեն հետագա սրումը, ապա ցանկացած պահի ցանկացած ճգնաժամ կարող է բռնկվել և սրվել:
Ըստ Դավութօղլուի՝ լարվածությունը թուլացնելու և բոլոր հարցերը քննարկելու համար Թուրքիան ԵՄ-ին և Հունաստանին պետք է առաջարկի բանակցությունների սեղանի շուրջ նստել:
Հետևեք մեզ տելեգրամում
