ԵԱՀԿ գործող նախագահ, Ալբանիայի վարչապետ և Եվրոպայի ու արտաքին գործերի նախարար Էդի Ռաման կոչ է արել անհապաղ ապաէսկալացնել իրավիճակը Լեռնային Ղարաբաղում:
«Ես բոլոր ներգրավվածներին կոչ եմ անում անհապաղ վերադառնալ հրադադարին, քանի դեռ այս հակամարտությունում զոհերի թիվը չի ավելացել»- ասել է Ռաման:
Նա նշել է, որ ԵԱՀԿ Մինսկի խմբի համանախագահները և գործող նախագահի անձնական ներկայացուցիչ դեսպան Անջեյ Կասպշիկը սերտ կապի մեջ են կողմերի հետ: Ռաման լիովին աջակցում է տեղերում իրավիճակի կայունացմանն ուղղված նրանց ջանքերին և կրկին հայտարարում, որ բանակցությունների միջոցով հակամարտության խաղաղ կարգավորումն այլընտրանք չունի: Նա ընդգծեց իր աջակցությունը առանց նախապայմանների հնարավորինս շուտ առարկայական բանակցությունները վերսկսելու համանախագահների ջանքերին:
Գործող նախագահը իր ցավակցությունն է հայտնել բռնության այս վերջին ալիքի հետևանքով զոհվածների ընտանիքներին:
Հետևեք մեզ տելեգրամում
