ՌԴ-ում Հայաստանի Հանրապետության դեսպան Վարդան Տողանյանը «ՌԻԱ» Նովոստիին տված հարցազրույցում նշել է, որ անհրաժեշտության դեպքում Երևան կդիմի Մոսկվային՝ ռուսական նոր զենքերի մատակարարումների համար:
Դեսպանը հիշեցրել է, որ նախօրեին ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ, իսկ ԱԳ նախարար Զոհրաբ Մնացականյանը՝ Սերգեյ Լավրովի հետ, «որպեսզի տեղեկացնեն իրավիճակի մասին, և ներկայացնեն Հայաստանի դիրքորոշումը, ինչ քայլեր է ձեռնարկում, ինչ ռազմական ծրագրեր ունի»:
«Առայժմ Հայաստանին արտաքին ռազմական օգնության մասին խոսք չկա»,- նշել է դեսպանը՝ շեշտելով, որ Երևանը և Մոսկվան դաշնակիցներ են` համապատասխան պարտավորություններով:
Հետևեք մեզ տելեգրամում
