Լիբանանում տասնյակ հազարավոր մարդիկ շարունակում են կոռուպցիայի և անօրինականությունների դեմ բողոքի ցույցեր իրականացնել։
Դրան զուգահեռ Լիբանանի Խորհրդարանի ֆինանսական և բյուջետային հարցերի հանձնաժողովը ցանկանում է, որ 2020 թվականի բյուջեի նախագիծը վավերացվի։
Հանձնաժողովի նախագահ Իբրահիմ Քանաանը նշել է, որ հաջորդ կառավարությունն էլ պետք է ընդունի այս ծրագիրը։
Լիբանանյան հեռուստատեսության ուղիղ եթերի ժամանակ Քանաանը հայտարարել է, որ մինչև արձակուրդ իրենք անպայման քննարկելու և վավերացնելու են 2020 թվականի բյուջեի նախագիծը, և այն ստիպված է լինելու ընդունել նաև հաջորդ կառավարությունը, որովհետև վավերացվելուց հետո նախագիծն օրենքի ուժ է ստանալու։
Ֆինանսական և բյուջետային հարցերի հանձնաժողովի նախագահը ընդգծել է նաև, որ Լիբանանը ամենևին չի գտնվում սնանկացման կամ լուրջ նյութական խնդիրների եզրին, և որպեսզի ցույց տան աշխարհին, որ Լիբանանը ամուր կանգնած է ու չի պատրաստվում ընկնել, պետք է ընդունեն բյուջեի նախագիծը։
Հետևեք մեզ տելեգրամում
