Իրանի ատոմային էներգիայի գործակալության խոսնակ Բեհրուզ Քամալվանդին դեկտեմբերի 9-ին լրագրողների հետ հանդիպմանը, անդրադառնալով Ռուսաստանի որոշմանը, ըստ որի՝ Ֆորդոյի միջուկային հաստատությունում ՌԴ-ն դադարեցնում է կայուն իզոտոպերի արտադրությունը, հայտարարել է, որ Իրանն առանց Ռուսաստանի էլ կարող է շարունակել դրանց արտադրությունը:
Իրանի ԱԳ նախարար Ջավադ Զարիֆը, անդրադառնալով թեմային, հայտարարել է. «Մեկը կարո՞ղ է ասել, որ եթե մենք Իրանին չօգնենք, ապա Իրանը ռեակտոր չի կարող ունենալ: Օրինակ, մենք ցանկանում ենք Արաքի ռեակտորը չինացիների հետ կառուցել, արդյո՞ք մեր չինացի բարեկամները կարո՞ղ են պնդել, որ եթե Իրանին չօգնեն, ապա Իրանը այդ ռեակտորը չի կարող կառուցել: Նույնը վերաբերում նաև մեր ռուս բարեկամներին: Արդյո՞ք ռուսները կարող են ասել, որ եթե Ֆորդոյում Իրանին չօգնեն, ապա Ֆորդոն կփակվի: Իհարկե, չեն կարող ասել»:
Իրանական ԶԼՄ-ների տեղեկացմամբ՝ ռուսական «Ռոսատոմ» ընկերությունն ավելի վաղ հայտարարել էր, որ մեկ վայրում հնարավոր չէ և՛ ուրան հարստացնել, և՛ կայուն իզոտոպ արտադրել:
Հետևեք մեզ տելեգրամում
