ՌԴ ԱԳ փոխնախարար Անդրեյ Ռուդենկոն հայտարարել է, որ Ռուսաստանը տրամադրված է Վրաստանի հետ մաքսային վարչարարության, ապրանքների առևտրի և տարանցման հարցերի շրջանակում աշխատելուն:
Բեռների մոնիթորինգի իրականացման համար Վրաստանը (2017թ.) և Ռուսաստանը (2018թ.) պայմանագիր էին ստորագրել շվեյցարական Société Générale de Surveillance SA (SGS) ընկերության հետ: Այն վերահսկելու էր Փսոու գետով (Աբխազիա), Ռոկի թունելով (Հարավային Օսիա) և Կազբեկի-Լարս անցակետով բեռների հոսքը:
«Ինչ վերաբերում է 2011թ. ՌԴ և Վրաստանի կառավարության միջև ստորագրված համաձայնագրին՝ ապրանքների մաքսային կառավարման և առևտրի մոնիտորինգի մեխանիզմի հիմնական սկզբունքների վերաբերյալ, ապա այն, իսկապես, ուժի մեջ չի մտել»,-հայտարարել է Ռուդենկոն՝ նշելով, որ այն իրականացնելուն խանգարում են ցայսօր չկարգավորված տարաձայնությունները:
Այդ հարցերի քննարկումները տեղի են ունենում սույն համաձայնագրի կատարման վերահսկման միացյալ կոմիտեի և դրա՝ Չկարգավորված հարցերի վերաբերյալ աշխատանքային խմբի շրջանակներում:
Հետևեք մեզ տելեգրամում
