ՄԱԿ-ում Իրանի մշտական ներկայացուցիչ Մաջիդ Թախտ-Ռավանչին գլխավոր քարտուղար Անտոնիո Գուտերեշին նամակ է ուղարկել, որում հերքել է Թեհրանի՝ Իրաքում ամերիկյան օբյեկտների վրա հարձակումներին մասնակցությունը:
«Իրանը ուղիղ կամ անուղղակի մասնակցություն չի ունեցել Իրաքում ԱՄՆ-ին պատկանող կառույցի կամ քաղաքացու վրա զինված հարձակմանը: Նման մեղադրանքները բացարձակ անհիմն են, չունեն իրավական ուժ և նողկալի են»,-ասված է իրանցի դիվանագետի նամակում:
Մաջիդ Թախտ-Ռավանչին միաժամանակ նշել է, որ Իրանը դատապարտում է փետրվարի 25-ին Սիրիայի և Իրաքի սահմանին ԱՄՆ ԶՈՒ-ի կողմից իրանական ուժերի վրա հարձակումը: «Նման հարձակումները վտանգավոր են….խախտում են տարածաշրջանի երկրների ինքնիշխանությունը և խորհրդանշում են միջազգային իրավունքին կոպիտ չհետևելը»,-ասել է դիվանագետը:
Նշենք, որ մարտի 5-ին ԱՄՆ պետքարտուղարության մամուլի ծառայության ղեկավար Նեդ Փրայսը հայտարարեց, որ Իրաքում ամերիկյան Այն ալ-Ասադ ռազմաբազայի վրա հարձակումն իրականացրել են իրանամերձ ուժերը:
Հետևեք մեզ տելեգրամում
