Վրաստանի արտաքին գործերի նախարար Դավիթ Զալկալիանին հայտնել է, որ հնարավոր չէ Լեռնային Ղարաբաղի հակամարտության կարգավորման շուրջ համատեղ տարածաշրջանային հարթակում աշխատել Ռուսաստանի հետ:
«Ոչ մի հարթակ Ռուսաստանի հետ, որն օկուպացրել է մեր տարածքները, չի դիտարկվում»,-ասել է Դավիթ Զալկալիանին:
Նրա խոսքով Ղարաբաղի հարցում «3+3» ձևաչափը՝ Հարավային Կովկասի երկրների, Ռուսաստանի, Թուրքիայի և Իրանի մասնակցությամբ, անընդունելի է Վրաստանի համար:
«Մենք ցանկանում ենք ներգրավվել կարգավորման գործընթացներում: Մենք նոր հարթակ ենք առաջարկում՝ Վրաստան, Հայաստան և Ադրբեջան՝ միջազգային գործընկերների մասնակցությամբ: Թբիլիսին կլինի երկխոսության վայր»,-ասել է Զալկալիանին:
Նախարարը նաև նշել է, որ Վրաստանի ներքաղաքական ճգնաժամը, որն առաջացել է ընդդիմադիր կուսակցությունների բոյկոտի հետևանքով, «ջուր է լցնում ռուսական ջրաղացին»:
Հետևեք մեզ տելեգրամում
