Մարտի 30-ին տեսակապի միջոցով համաժողով են անցկացրել Ֆրանսիայի, Գերմանիայի և Ռուսաստանի ղեկավարները, ովքեր մտադիր են իրենց ջանքերը կենտրոնացնել Իրանի միջուկային ծրագրի շուրջ երկխոսությունը վերականգնելու և Թեհրանի՝ Գործողությունների համատեղ համապարփակ ծրագիր վերադառնալու համար:
«Իրանի միջուկային դոսյեի կապակցությամբ Ֆրանսիայի նախագահ Էմանուել Մակրոնը, Գերմանիայի կանցլեր Անգելա Մերկելը և Ռուսաստանի նախագահ Վլադիմիր Պուտինը պայմանավորվել են կենտրոնացնել ջանքերը, որպեսզի վերականգնեն երկխոսությունը, և որ Իրանը հնարավորինս շուտ վերադառնա իր պարտականությունները կատարելուն»,-ասված է Ելիսեյան պալատի տարածած հաղորդագրության մեջ:
Տեսակոնֆերանսի ժամանակ քննարկվել է Լիբիայի, Սիրիայի և Ուկրաինայի հարցը:
Հետևեք մեզ տելեգրամում
