Հոկտեմբերի 7-ին՝ խորհրդարանական ընտրություններից 3 օր առաջ, Իրաքի խորհրդարանի նախագահ Մուհամմադ Հալբուսին հայտարարել է խորհրդարանի լուծարման մասին:
Իրաքի խորհրդարանի նախագահն այս մասին հայտնել է Twitter-ում արած գրառմամբ, որտեղ նշել է. «Այսօր չորրորդ խորհրդարանի գործունեության վերջին օրն է: Մարդիկ հոկտեմբերի 10-ին կընտրեն իրենց նոր ներկայացուցիչներին»:
Նա շնորհակալություն է հայտնել խորհրդարանի անդամներին նրանց գործադրած ջանքերի և աշխատանքի համար:
Նշենք, որ 2003թ.-ին ամերիկյան ուժերի կողմից Սադդամ Հուսեյնի վարչակարգի տապալումից հետո Իրաքում խորհրդարանական ընտրությունները անցկացվելու են հինգերորդ անգամ հոկտեմբերի 10-ին: Ավելի վաղ նախատեսված էր, որ ընտրությունները պետք է անցկանվեին հունիսին, սակայն դրանք հետաձգվել էին Իրաքի բարձրագույն ընտրական հանձնաժողովի պահանջով՝ «ազատ և արդար ընտրություններ» կազմակերպելու համար:
Հետևեք մեզ տելեգրամում
