Սիրիայում ռուսական Խմեյմիմ ավիաբազայի վրա կրկին ԱԹՍ-ներով հարձակման փորձ է արվել

Հունվարի 19-ին «Հայաթ Թահրիր աշ-Շամ» խմբավորման զինյալները Սիրիայում փորձել են անօդաչուներով հարձակվել ռուսական Խմեյմիմ ավիաբազայի վրա։ Ռուսաստանի պաշտպանության նախարարության տեղեկացմամբ՝ ավիաբազայի հակաօդային պաշտպանությունը կարողացել է ոչնչացնել  թիրախները, հենակետին որևէ վնաս չի հասցվել։

ՌԴ ՊՆ-ն հայտարարել է , որ «Խմեյմիմ» ավիաբազայի հակաօդային պաշտպանության համակարգերը հայտնաբերել են հյուսիս-արևելքից  բազային մոտեցող երեք փոքր անօդաչու թռչող սարք։

Հիշեցնենք, որ նախորդ հարձակումը ավիաբազայի վրա տեղի էր ունեցել դեկտեմբերի վերջին: Այն ժամանակ ՀՕՊ համակարգերին հաջողվել էր խոցել երկու անօդաչու թռչող սարք, հարձակման արդյունքում բազան որևէ վնաս չէր կրել։