Իսրայելի ԶՈՒ ԳՇ պետ Ավիվ Կոխավին դեկտեմբերի 26-ին հայտարարել է, որ իր երկիրը ռազմական ծրագրեր է նախապատրաստելու Իրանի դեմ՝ ավելացնելով, որ անթույլատելի է նրա հետ համաձայնության գալ միջուկային ծրագրի շուրջ։
Կոխավիի խոսքով՝ Իսրայելը պատերազմի չի ձգտում, սակայն անհրաժեշտ գործնական ծրագրեր մշակելու է։
Նա պնդել է, որ Իրանի հետ միջուկային համաձայնությունը դրական չի լինելու, իսկ դա Թեհրանին հնարավորություն է տալու զարգացնել իր միջուկային կարողությունները։
Հատկանշական է, որ, ինչպես տեղեկացնում է իսրայելական Israeli Army Radio-ն, Կոխավիի՝ Իրանի դեմ հնարավոր հարձակման հայտարարություններին նախորդել է Իրանի նախագահ Ռայիսիիի զգուշացումները առ այն, որ իր երկրի դեմ իրականացված ցանկացած թշնամական գործողություն առերեսվելու է կոշտ ռազմական արձագանքի։
Ռադիոյի տեղեկացմամբ՝ Կոխավին հրահանգել է օդային ուժերին ճշգրտումներ կատարել օդաչուների վերապատրաստման ծրագրերում։
Նշենք, որ վերջին շրջանում Իսրայելը պարբերաբար սպառնում է ռազմական հարձակում իրականացնելու Իրանի միջուկային ծրագրին խոչընդոտելու համար, մինչդեռ Թեհրանն իր հերթին արձագանքում է, որ Իսրայելի ցանկացած հարձակում անպատասխան չի մնալու։
Հետևեք մեզ տելեգրամում
