Սիրիայում «Իսլամական պետության» կողմից կազմակերպված ահանեկչության հետևանքով մի քանի քուրդ զինյալներ են սպանվել։ Այս մասին հաղորդում է սիրիական SANA լրատվական գործակալությունը։
Գործակալության տվյալներով՝ ահաբեկչությունը տեղի է ունեցել Սիրիայի Դեր Զոր նահանգի հյուսիսում։ Քրդական մեքենան պայթեցվել է ինքնաշեն պայթուցիկով, երբ այն անցնում էր Ալ-Խարաֆի գյուղի տարածքով։
Տեղական աղբյուրները SANA-ին հայտնել են, որ անմիջապես դեպքի վայր են ուղարկվել լրացուցիչ ուժեր, ինչպես նաև շտապօգնության մեքենաներ:
Նշենք,որ վերջին շրջանում կտրուկ ավելացել են «Իսլամական պետություն» ահաբեկչական կազմակերպության հարձակումները Դեր Զորում։ Հաղորդվել էր, որ դեկտեմբերի 19-ին ԻՊ-ի անդամները հարձակվել էին իշխանամետ ուժերի դիրքերի վրա՝ Դեր Զորի հարավ-արևմուտքում գտնվող Խարատա նավթային հանքավայրի շրջակայքում: Իսկ ավելի վաղ՝ դեկտեմբերի 12-ին, Դեր Զորում ԻՊ-ի գործող ցանցերը հարձակումներ էին իրականացրել պաղեստինյան «Ալ-Կուդս» բրիգադներին ենթակա խմբավորումների և Սիրիայի վարչակարգի զինված ուժերի մարտական դիրքերի վրա, որի հետևանքով սպանվել են 7 զինծառայողներ, վիրավորվել՝ ևս 17-ը:
Հետևեք մեզ տելեգրամում
