Իրանի իսլամական հեղափոխության «Ղոդս» ուժերի հրամանատար Իսմայիլ Ղանին Իրաքում՝ Նաջաֆում հանդիպել է «Ալ-Սադր շարժման» առաջնորդ Մուկթադա Ալ-Սադրի հետ։ Տեղեկությունը հաստատել է Ալ-Սադրի գրասենյակը։
Հանիպման վերաբերյալ այլ մանրամասներ չեն հաղորդվել։ Սակայն ուշագրավ է Twitter-ում Ալ-Սադրի կատարած հետևյալ գրառումը․
«Ո՛չ արևելյան, ո՛չ արևմտյան․ ազգային մեծամասնական կառավարություն»։
Նկատենք, որ «Արևմտյան» և «արևելյան» տերմինների կիրառմամբ նա նկատի ունի իրանական և ամերիկյան արտաքին միջամտության մերժումը Իրաքում կառավարության ձևավորման գործընթացին։
Հատկանշական է ,որ դեռևս 2006 թվականից Իրաքում քրդերը զբաղեցնում էին հանրապետության նախագահի պաշտոնը, սունիները՝ խորհրդարանի նախագահի, իսկ շիաները՝
«Քուրդիստանի դեմոկրատական կուսակցությունը» վերահասատատել է Հոշայր Զեբարիի թեկնածությունը, իսկ «Քուրդիստանի հայրենասիրական միությունը»՝ գործող նախագահ Բարհամ Սալիհի։ Սակայն Իրաքի դաշնային դատարանի որոշմամբ՝ Հոշյար Զեբարի թեկնածության առաջադրումը կասեցվել էր, քանի որ վեջինս մեղադրվում է կաշառակերության մեջ։
Հիշեցնենք, որ փետրվարի 8-ին Իրաքի նախագահ Բարհամ Սալիհի պաշտոնավարման ժամկետը լրացել էր, սակայն խորհրդարանը չկարողացավ ընտրել նոր նախագահ պատգամավորների բոյկոտի պատճառով։ Ըստ Իրաքի սահմանադրության՝ նախագահի ընտրության համար անհրաժեշտ է Ներկայացուցիչների պալատի 329 անդամների երկու երրորդի քվեարկությունը (50%+1)։ Մինչդեռ նիստին ներկա էր ընդամենը 58 պատգամավոր։
Հետևեք մեզ տելեգրամում
