Լիբանանում գործող «Հեզբոլլահ» կուսակցության գլխավոր քարտուղար Հասսան Նասրալլահն իր ուղերձում մեկնաբանել է Պարսից ծոցի երկրների և Լիբանանի միջև հաշտեցման հասնելու համար Քուվեյթի նախաձեռնությունը։ Նա մերժել է ցանկացած միջնոդրություն, որն իրականցվելու է՝ վնասելով Լիբանանի ինքնիշխանությունը։
«Լիբանանն ինքնիշխան երկիր է, և ոչ ոք չպետք է գա և թելադրի նրան՝ ինչ անել»,- ասել է նա։
Նասրալլահը նաև խոսել է Իսրայելի և «Հեզբոլլահի» հնարավոր առճակատման մասին՝ շեշտելով, որ միայն պատերազմի միջոցով է հնարավոր կանխել Լիբանանի ռազմաօդային ուժերի հզորացումը։
Միևնույն ժամանակ նա շեշտել է, որ Լիբանանի մարդկային ու նյութական կարողությունները «թշնամուն խանգարում են դիտարկել պատերազմի տարբերակը»։
Հիշեցնենք, որ Լիբանանի և Պասից ծոցի որոշ երկրների միջև դիվանագիտական ճգնաժամը դեռ չի լուծվել։ Պատճառը Լիբանանի տեղեկատվության նախարար Ժորժ Կորդահիի հայտարարությունն էր, որով նա քննադատել էր Սաուդյան Արաբիայի՝ Եմենում վարած քաղաքականությունը։ Այնուհետև Սաուդյան Արաբիան հետ կանչեց իր դեսպանին Բեյրութից և պահանջեց, որ Լիբանանի դեսպանն էլ 24 ժամվա ընթացքում հեռանա Ռիյադից։ Ի աջակցություն Սաուդյան Արաբիայի՝ Պարսից ծոցի շատ երկրներ նույնպես հետ կանչեցին իրենց դեսպաններին։ ԱՎելի ուշ՝ հունվարին Քուվեյթը Լիբանանին առաջարկեց ճգնաժամի լուծման առաջարկների փաթեթ, որն ընդհանուր առմամբ դրականորեն ընդունվեց Լիբանանում: Քուվեյթյան նախաձեռնությամբ ներկայացված առաջարկներից մեկը «Հեզբոլլահ» կուսակցության միջամտության կանխումն է Եմենի պատերազմում: Սակայն Բեյրութը պնդել էր, որ «Հեզբոլլահը» թեև ակտիվ է կառավարությունում, բայց չի գերիշխում Լիբանանի քաղաքականության մեջ։ Հետևաբար Լիբանանում չեն պատրաստվում զինաթափել «Հեզբոլլահին» կամ դադարեցնել նրա գործունեությունը։
Հետևեք մեզ տելեգրամում
